កាលពីល្ងាចថ្ងៃពុធ ទី២៨ ខែកុម្ភៈ ឆ្នាំ២០២៤ តបតាមការអញ្ជើញរបស់លោក Kazuto Ito ប្រធានសមាគមប្រគុំតន្ត្រី Min-On (Min-On Concert Association) ឯកឧត្តម ទុយ រី ឯកអគ្គរាជទុតកម្ពុជាប្រចាំប្រទេសជប៉ុន បានអញ្ជើញទៅទស្សនកិច្ចនៅសារមន្ទីរតូរ្យតន្រ្តី Min-On (Mini-On Music Museum) នៅក្នុងទីក្រុងតូក្យូ។
កាលពីល្ងាចថ្ងៃពុធ ទី២៨ ខែកុម្ភៈ ឆ្នាំ២០២៤ តបតាមការអញ្ជើញរបស់លោក Kazuto Ito ប្រធានសមាគមប្រគុំតន្ត្រី Min-On (Min-On Concert Association) ឯកឧត្តម ទុយ រី ឯកអគ្គរាជទុតកម្ពុជាប្រចាំប្រទេសជប៉ុន បានអញ្ជើញទៅទស្សនកិច្ចនៅសារមន្ទីរតូរ្យតន្រ្តី Min-On (Mini-On Music Museum) នៅក្នុងទីក្រុងតូក្យូ។
ក្នុងឱកាសនោះ ឯកឧត្តមឯកអគ្គរាជទូត ត្រូវបានទទួលស្វាគមន៍យ៉ាងកក់ក្តៅ និងជម្រាបជូនដោយលោក Kazuto Ito អំពីប្រវត្តិនៃសមាគមនេះ ដែលត្រូវបានបង្កើតនៅឆ្នាំ ១៩៦៣ និងសកម្មភាពរបស់សមាគម ជាពិសេសគោលបំណងរបស់ Min-On
ក្នុងគោលដៅផ្តល់ឱកាសឱ្យមនុស្សគ្រប់គ្នារីករាយជាមួយនឹងការសម្តែងសិល្បដ៏ល្អបំផុតរបស់ពិភពលោក ក៏ដូចជាជម្រុញការផ្លាស់ប្តូរវប្បធម៌អន្តរជាតិ និងសន្តិភាព តាមរយៈការបង្ហាញនូវការសំដែងសិល្បៈ និងតន្ត្រីពីគ្រប់ប្រទេសជុំវិញពិភពលោក។ លោក Kazuto Ito បានគូសបញ្ជាក់ថា មកទល់ពេលនេះ មានសិល្បករ និងតន្ត្រីកររាប់ពាន់នាក់ មកពីជាង ១០០ប្រទេស ត្រូវបានស្វាគមន៍សំដែងលើឆាក ក្នុងទីក្រុងជាង ៣០០ នៅជុំវិញប្រទេសជប៉ុន ក្នុងនោះ សិល្បករមកពីកម្ពុជា ក៏ធ្លាប់បានមកសម្តែងចំនួន ២លើកផងដែរ (ក្នុងឆ្នាំ ១៩៦៧ និងឆ្នាំ២០០២) នៅក្នងប្រទេសជប៉ុន។
នៅចុងបញ្ចប់ ឯកឧត្តមឯកអគ្គរាជទូត ក៏បានដើរទស្សនាការតាំងបង្ហាញនូវព្យ៉ាណូបុរាណ-សម័យ ដែលត្រូវបានប្រមូលផ្ដុំពីជុំវិញពិភពលោក ដោយសារមន្ទីរ តូត្យតន្ត្រី Min-On ព្រមទាំងឧបករណ៍តន្ត្រីផ្សេងៗទៀតផងដែរ៕
រូបភាពផ្ដល់ដោយ : Min-On Music Museum
