តបតាមការអញ្ជើញរបស់ឯកឧត្តម DATO’ SHAHRIL EFFENDI ABD GHANY ឯកអគ្គរាជទូតម៉ាឡេស៊ីប្រចាំប្រទេសជប៉ុន នៅថ្ងៃទី២៦ ខែកុម្ភៈ ឆ្នាំ២០២៥ ឯកឧត្តម ទុយ រី ឯកអគ្គរាជទូតកម្ពុជា ប្រចាំប្រទេសជប៉ុន អមដោយលោក អៀង សេងហេង លេខាធិការទី២នៃស្ថានទូត បានចូលរួមកិច្ចប្រជុំលើកទី៣២៤ នៃACT  ក្រោមភាពជាប្រធានប្តូរវេនរបស់ស្ថានទូតម៉ាឡេស៊ី ប្រចាំប្រទេសជប៉ុន និងមានការចូលរួមពីឯកអគ្គរាជ/រដ្ឋទូត ភារៈធារីស្តីទី និងអនុប្រធានស្ថានទូតនៃបណ្តាប្រទេសសមាជិកអាស៊ានផ្សេងទៀត។ កិច្ចប្រជុំនេះបានផ្តោតការពិភាក្សា និងផ្លាស់ប្តូរមតិយោបល់លើប្រធានបទមួយចំនួន ១) ការវិវត្តនយោបាយក្នុងប្រទេសជប៉ុន រួមទាំងស្ថានភាពនយោបាយក្រោយការបោះឆ្នោតសភាជាន់ទាបកាលពីខែតុលា ឆ្នាំ២០២៤ និង  ២) ការវិវត្តក្នុងតំបន់ រួមទាំងលទ្ធផលនៃកិច្ចប្រជុំចង្អៀតរដ្ឋមន្ត្រីការបរទេសអាស៊ាន ដែលបានរៀបចំក្នុងខែមករា ឆ្នាំ២០២៥ ក្នុងប្រទេសម៉ាឡេស៊ី ។  

ស្របពេលជាមួយគ្នានេះ ស្ថានទូតម៉ាឡេស៊ីក៏បានអញ្ជើញឯកឧត្តម HANEDA Koji អគ្គស្នងការនៃពិព័រណ៍ពិភពលោកឆ្នាំ២០២៥ នៃក្រសួងការបរទេសជប៉ុន ជាវាគ្មិនកិត្តិយសចូលរួមធ្វើបទបង្ហាញ និងពិភាក្សាស្តីពី ការត្រៀមរៀបចំពិព័រណ៍ពិភពលោកឆ្នាំ២០២៥ នៅទីក្រុងអូសាកា ដែលនឹងប្រព្រឹត្តទៅពីថ្ងៃទី១៣ ខែមេសា ដល់ថ្ងៃទី១៣ ខែតុលា ឆ្នាំ២០២៥ ខាងមុខនេះ៕