ស្ថានឯកអគ្គរាជទូតកម្ពុជាប្រចាំប្រទេសជប៉ុន មានក្តីសមនស្សរីករាយ សូមគោរពអញ្ជើញបងប្អូនសហគមន៍ខ្មែរ ពលករខ្មែរ កម្មសិក្សាការី និងសិស្សនិស្សិតខ្មែរ ដែលកំពុងធ្វើការ សិក្សា និងរស់នៅក្នុងប្រទេសជប៉ុន ចូលរួមគាំទ្រពិធីអបអរសាទរទិវាជាតិកម្ពុជា (Cambodia National Day) និងទស្សនាពន្លាជាតិកម្ពុជា ដែលនឹងប្រព្រឹត្តទៅនៅថ្ងៃសៅរ៍ ទី ៥ ខែកក្កដា ឆ្នាំ២០២៥ (វេលាម៉ោង ១០:០០ - ១៧:០០) នៅក្នុងព្រឹត្តិការណ៍ពិព័រណ៍ពិភពលោក២០២៥ នៅទីក្រុងអូសាកា (ទីតាំង: Yumeshima Island) ដោយក្រសួងពាណិជ្ជកម្មកម្ពុជា នឹងរៀបចំផ្តល់ជូននូវ សំបុត្រចូលទស្សនាពិព័រណ៍ពិភពលោក២០២៥ (Free Ticket) ដោយឥតគិតថ្លៃ។ 

ចំពោះការចូលរួម សូមបងប្អូនមេត្តាបំពេញបែបបទ តាមរយៈតំណភ្ជាប់ ដូចមានភ្ជាប់ជូនខាងក្រោម៖

https://forms.gle/s6sejYeRXsj6KdiU6

*កាលបរិច្ឆេទនិងពេលវេលានៃការបិទការចុះឈ្មោះ ៖ ២៤ មិថុនា ២០២៥ វេលាម៉ោង ១៧:៣០

** សម្លៀកបំពាក់៖ ប្រពៃណីខ្មែរ (ឬ សមរម្យ)

*** បញ្ជាក់៖ ការធ្វើដំណើរ ការស្នាក់នៅ និងការហូបចុក ជាបន្ទុករបស់អ្នកចូលរួមនីមួយៗ។

សូមជម្រាបជូនថា កម្ពុជា គ្រោងនឹងរៀបចំនូវ៖ កម្មវិធីសម្ដែងសិល្បៈវប្បធម៌ខ្មែរឈុតធំ ដែលមានក្រុមសិល្បៈខ្មែរមកពីក្រសួងវប្បធម៌ និងវិចិត្រសិល្បៈកម្ពុជា, ការដើរក្បួនព្យុហយាត្រាជាតិ (National Parade), វេទិកាធុរកិច្ច ឬសិក្ខាសាលាវិនិយោគ, ការតាំងពិព័រណ៍ និងសកម្មភាពជំរុញពាណិជ្ជកម្មផ្សេងៗ ក្នុងឱកាសប្រារព្ធពិធីអបអរសាទរទិវាជាតិកម្ពុជានេះ អាស្រ័យហេតុនេះ សូមបងប្អូនខ្មែរយើង ចូលរួមគាំទ្រឱ្យបានច្រើនកុះករ។